चिपळूण येथे सामाजिक कार्यकर्ते अनुराग उतेकर यांच्यासह शेकडो युवक-युवती व ग्रामस्थांचा भारतीय जनता पक्षात पक्षप्रवेश

*कोंकण एक्सप्रेस

*चिपळूण येथे सामाजिक कार्यकर्ते अनुराग उतेकर यांच्यासह शेकडो युवक-युवती व ग्रामस्थांचा भारतीय जनता पक्षात पक्षप्रवेश

*आमदार प्रमोद जठार यांच्या उपस्थितीत पक्षप्रवेश सोहळा; सरपंच, माजी सरपंच, ग्रामपंचायत सदस्यांसह विविध गावांतील कार्यकर्त्यांचा सहभाग

*चिपळूण

चिपळूण तालुक्यातील राजकीय घडामोडींना वेग आला असून शेकडो युवक-युवती, ग्रामस्थ तसेच विविध गावांतील पदाधिकारी व कार्यकर्त्यांनी आमदार प्रमोद जठार यांच्या उपस्थितीत पक्षप्रवेश केला. आमदार प्रमोद जठार यांच्या नेतृत्वाखाली झालेल्या या पक्षप्रवेश सोहळ्यामुळे चिपळूण तालुक्यातील भाजपा पक्षाच्या संघटनात्मक विस्ताराला नवी दिशा मिळाल्याचे यावेळी उपस्थित कार्यकर्त्यांनी सांगितले.

सामाजिक कार्यकर्ते अनुराग उतेकर यांच्यासह विविध गावांतील सरपंच, माजी सरपंच, उपसरपंच, ग्रामपंचायत सदस्य आणि युवक-युवतींनी यावेळी पक्षात प्रवेश केला. आमदार प्रमोद जठार यांनी पक्षात प्रवेश करणाऱ्या सर्वांचे स्वागत करून संघटन मजबूत करण्यासाठी प्रत्येक कार्यकर्त्याने गावपातळीवर सक्रियपणे काम करण्याचे आवाहन केले.

रत्नागिरी उत्तर जिल्हाध्यक्ष सतीश मोरे आणि खेड तालुका अध्यक्ष विनोद चाळके यांच्या प्रयत्नातून हा पक्षप्रवेश सोहळा पार पडला. चिपळूण तालुक्यातील गुणदे, खोपड, शेल्डी, भेलसई, कासई, गुढे, पाली यांसह विविध गावांतील कार्यकर्त्यांनी मोठ्या संख्येने पक्षात प्रवेश केला.

या पक्षप्रवेशामध्ये स्थानिक पातळीवर सामाजिक व राजकीय क्षेत्रात कार्यरत असलेल्या अनेक कार्यकर्त्यांचा सहभाग राहिला. गावातील विविध प्रश्न, स्थानिक विकासकामे तसेच संघटनात्मक कार्यात सक्रिय असलेल्या युवक-युवतींनी पक्षाची भूमिका स्वीकारत पक्षप्रवेश केला. त्यामुळे आगामी काळात गावागावांत संघटनात्मक बांधणी अधिक मजबूत करण्याच्या दृष्टीने या पक्षप्रवेशाला महत्त्व प्राप्त झाले आहे.

यावेळी आमदार प्रमोद जठार यांनी पक्षात प्रवेश करणाऱ्या नव्या कार्यकर्त्यांशी संवाद साधत त्यांच्या अपेक्षा आणि स्थानिक प्रश्न जाणून घेतले. गावातील विकासकामे, नागरिकांच्या समस्या तसेच संघटनात्मक पातळीवरील विविध विषयांवर कार्यकर्त्यांनी एकत्रितपणे काम करण्याची भूमिका यावेळी मांडण्यात आली. पक्षात प्रवेश केलेल्या प्रत्येक कार्यकर्त्याला संघटनेत योग्य संधी देऊन त्यांच्या माध्यमातून गावपातळीवर जनसंपर्क वाढविण्यावर भर देण्यात येणार असल्याचेही यावेळी सांगण्यात आले.

या पक्षप्रवेश सोहळ्यास अनुराग उतेकर, संतोक्ष उतेकर, खोपडचे माजी सरपंच महेश शिर्के, गुढेचे सरपंच नरेश टोले, उमेश महाडिक, प्रकाश पालांडे, रवींद्र दळवी, राकेश महाडिक, शैलेश आंब्रे, संदीप आंब्रे, अश्विनी आथरे, प्रथमेश शिर्के, पार्थ आयरे, मोहन शिर्के, प्रशांत शिर्के, गौरी शिर्के, तुषार खेतले, अमित खेतले, अंकुश आयरे, ओंकार दळवी, रोहन दळवी, अमित गोवकर, रोहित काजवे, अरुण मतवल, सुधीर उतेकर, राजाराम उतेकर, किशोर उतेकर, दीपक कदम, आशिष कदम, सोनाली कदम, अक्षदा उतेकर, अंशुमन उतेकर, प्रशांत उतेकर, रिया चव्हाण, नीलम भेनसे, रूपा चव्हाण, संदीप कदम, काशीराम कदम, सविता कदम, निलेश कदम, प्रवीण जाधव, यश शिंदे, भूषण जाधव, स्नेहा जाधव, शरयू उतेकर, राजश्री उतेकर, महेश पालांडे, स्वप्नील सुर्वे आदींसह शेकडो युवक-युवती व ग्रामस्थ उपस्थित होते.

दरम्यान, चिपळूण तालुक्यातील विविध गावांमधून एकाचवेळी मोठ्या संख्येने कार्यकर्ते पक्षात दाखल झाल्याने स्थानिक राजकीय वर्तुळात या पक्षप्रवेशाची चर्चा सुरू झाली आहे. विशेषतः युवक-युवतींचा मोठ्या प्रमाणात सहभाग असल्याने आगामी काळात गावपातळीवरील संघटनात्मक कामाला अधिक गती मिळण्याची शक्यता व्यक्त करण्यात आली.

या पक्षप्रवेशाच्या माध्यमातून चिपळूण तालुक्यातील विविध गावांमध्ये संघटनात्मक संपर्क वाढविणे, स्थानिक प्रश्नांवर सातत्याने पाठपुरावा करणे आणि कार्यकर्त्यांच्या माध्यमातून नागरिकांशी थेट संवाद वाढविण्याचा निर्धार यावेळी व्यक्त करण्यात आला. आमदार प्रमोद जठार यांच्या उपस्थितीत झालेल्या या पक्षप्रवेश सोहळ्याने चिपळूण तालुक्यातील राजकीय घडामोडींना नवे वळण मिळाले आहे.