कणकवलीत ३ नोव्हेंबरपासून भाजपच्या वतीने 'दिवाळी बाजारा'चे आयोजन

*कोंकण एक्सप्रेस*

*कणकवलीत ३ नोव्हेंबरपासून भाजपच्या वतीने 'दिवाळी बाजारा'चे आयोजन!*

*पालकमंत्री नितेश राणे यांच्या हस्ते होणार उद्घाटन | सलग आठव्या वर्षी उपक्रम; महिला बचत गटांना मोफत स्टॉलची संधी*

*कणकवली : संजना हळदिवे*

स्थानिक महिला बचत गट, गृहउद्योग आणि लघुउद्योजकांनी तयार केलेल्या दर्जेदार उत्पादनांना हक्काची बाजारपेठ मिळवून देण्यासाठी कणकवली शहर भारतीय जनता पक्षाच्या वतीने यावर्षीही 'दिवाळी बाजारा'चे भव्य आयोजन करण्यात आले आहे. ३ ते ७ नोव्हेंबर या कालावधीत कणकवलीतील आप्पासाहेब पटवर्धन चौक येथे हा बाजार भरवला जाणार आहे.

या उपक्रमाचे हे सलग आठवे वर्ष असून, याचे उद्घाटन पालकमंत्री ना. नितेश राणे यांच्या शुभहस्ते होणार आहे. समीर नलावडे मित्रमंडळ कार्यालयात आयोजित पत्रकार परिषदेत नगरसेविका मेघा गांगण यांनी ही माहिती दिली.

पत्रकार परिषदेस उपस्थितांची नोंद

यावेळी नगरसेविका मेघा गांगण, प्रतीक्षा सावंत, आर्या राणे, मनस्वी ठाणेकर, स्वप्नील राणे, संजय कामतेकर, बंडू हर्णे, शहराध्यक्ष अण्णा कोदे, प्राची कर्पे, प्रियाली कोदे आणि साक्षी वाळके आदी पदाधिकारी उपस्थित होते.

'दिवाळी बाजारा'ची मुख्य वैशिष्ट्ये आणि सुविधा

एकाच छताखाली दिवाळीची संपूर्ण खरेदी:

बाजारात घरगुती दिवाळी फराळ, विविध स्वादिष्ट खाद्यपदार्थ, रांगोळी, मेहंदी, तसेच कुंभार बांधवांनी तयार केलेल्या पारंपरिक पणत्या व मातीच्या शोभिवंत वस्तूंचे स्टॉल उभारले जाणार आहेत.

उत्पादकांसाठी मोफत सुविधा:

सहभागी होणाऱ्या स्टॉलधारकांवर कोणताही आर्थिक भार पडू नये म्हणून भाजपच्या वतीने सर्व स्टॉल मोफत दिले जाणार आहेत. प्रत्येक स्टॉलधारकाला १ टेबल, २ खुर्च्या आणि विजेची मोफत व्यवस्था करून दिली जाईल.

आरक्षित स्टॉल्स:

महिला बचत गटांसाठी २५ स्टॉल तर कुंभार समाजातील बांधवांसाठी १० स्टॉल आरक्षित ठेवण्यात आले आहेत.

स्टॉल नोंदणीसाठी संपर्क

दिवाळी बाजारात स्टॉल लावू इच्छिणाऱ्या महिला बचत गट, गृहउद्योग चालक आणि स्थानिक उत्पादकांनी खालील क्रमांकांवर संपर्क साधून आपली नोंदणी करावी:

अण्णा कोदे (शहराध्यक्ष): 94223 81900

मेघा गांगण (नगरसेविका): 0940444899

आवाहन:

"स्थानिक महिला व लघुउद्योजकांच्या कलागुणांना वाव देऊन त्यांच्या व्यवसायाला प्रोत्साहन देण्यासाठी कणकवली शहरासह तालुक्यातील नागरिकांनी आणि बचत गटांनी या दिवाळी बाजारात मोठ्या संख्येने सहभागी व्हावे," असे आवाहन नगरसेविका मेघा गांगण व भाजप पदाधिकाऱ्यांनी केले आहे.