मालवण - वराड तलावाची पाणी साठवण क्षमता वाढणार
*कोंकण एक्सप्रेस*
*मालवण - वराड तलावाची पाणी साठवण क्षमता वाढणार..*
*मालवण : प्रतिनिधी*
कुडाळ आमदार नीलेश राणे यांनी आज मालवण तालुक्यातील वराड तलाव परिसराची पाहणी करून तलावाच्या सद्यस्थितीचा आढावा घेतला. तलावात मोठ्या प्रमाणात पाणी साठवण क्षमता असूनही गाळ साचणे आणि गळतीमुळे पूर्ण क्षमतेचा वापर होत नसल्याचे निदर्शनास आले.
या पार्श्वभूमीवर तलावातील गाळ उपसा करणे, आवश्यक ठिकाणी दुरुस्ती करणे आणि इतर तांत्रिक उपाययोजना करून साठवण क्षमता वाढवावी असे निर्देश आ. निलेश राणे यांनी प्रशासनाला दिले.
याबाबत लघु पाटबंधारे विभागाच्या अधिकाऱ्यांशी चर्चा करून प्रस्ताव तयार करण्यास तहसीलदार गणेश लहाडे यांना सूचना देण्यात आल्या. तालुक्यातील जलस्रोत अधिक सक्षम करून पाण्याचा दीर्घकालीन आणि प्रभावी वापर व्हावा यासाठी आवश्यक कामे मार्गी लावण्याची सूचना त्यांनी केली.
यावेळी शिवसेना जिल्हाप्रमुख दत्ता सामंत, जिल्हा परिषद बांधकाम सभापती संतोष साटेलकर यांच्यासह अन्य पदाधिकारी व संबंधित अधिकारी उपस्थित होते.
जाहिरात