नाबार्ड मुख्य महाव्यवस्थापकांसह महाव्यवस्थापकांनी घेतली मंत्री नितेश राणे यांची भेट

*कोंकण एक्सप्रेस

*नाबार्ड मुख्य महाव्यवस्थापकांसह महाव्यवस्थापकांनी घेतली मंत्री नितेश राणे यांची भेट

*कृषी व ग्रामीण विकासाच्या विविध विषयांवर मंत्रालयात विचारविनिमय

*मुंबई

नाबार्डचे (राष्ट्रीय कृषी आणि ग्रामीण विकास बँक) महाराष्ट्राचे मुख्य महाव्यवस्थापक डॉ. ए. व्ही. भवानी शंकर आणि महाव्यवस्थापक अविनाश सेवलकर यांनी आज मंत्रालयात मत्स्यव्यवसाय व बंदरे विकास मंत्री नितेश राणे यांच्या दालनात सदिच्छा भेट घेतली. या भेटीदरम्यान नाबार्ड आणि महाराष्ट्र शासन यांच्यातील सहकार्य तसेच कृषी व ग्रामीण विकासाशी संबंधित विविध विषयांवर चर्चा करण्यात आली.

मंत्री नितेश राणे यांनी या भेटीची माहिती आपल्या 'एक्स' (X) या समाजमाध्यम खात्यावरून दिली. नाबार्ड आणि महाराष्ट्र शासन यांच्यातील सहकार्याच्या विविध शक्यता तसेच कृषी व ग्रामीण विकासाशी निगडित विषयांवर यावेळी विचारविनिमय झाल्याचे त्यांनी आपल्या पोस्टमध्ये नमूद केले.

कृषी क्षेत्राच्या विकासासोबतच ग्रामीण भागाच्या प्रगतीसाठी महाराष्ट्र शासन आणि नाबार्ड यांच्यातील समन्वयाला महत्त्व आहे. या पार्श्वभूमीवर झालेल्या या भेटीत कृषी व ग्रामीण विकासाच्या विविध मुद्द्यांवर चर्चा झाली.